Radoznala Lola

Rizični abortusi: Toliko me boljelo da sam pala u nesvijest

Beatris (Beatrice) je ostala trudna još u srednjoj školi.
I ovo je njena priča.
I nije nimalo laka.

Priredila: Nataša Bursać

Izvor: bbc.co.uk

Foto: Anna Om / Shutterstock.com

Vlasti u Keniji su strogo zabranile zdravstvenoj organizaciji “Marie Stopes” da nudi usluge abortusa.

Iz ove organizacije, međutim, tvrde da rade u skladu sa zakonom, nudeći usluge konsultovanja, kao i post-abortivnu brigu.

Usljed svega, povećan je strah da će sve više žena u Keniji ponovo da posegne za nekim rizičnim metodama okončanja trudnoće.

Beatris (Beatrice) je ostala trudna još u srednjoj školi. I ovo je njena priča. I nije nimalo laka:

Kada je išla u srednju školu imala je divnog profesora koji joj je uvijek pomagao. Kupio bi joj cipele, i jednom je čak pomogao njoj i njenoj mami oko plaćanja računa za kuću.

Ali, na kraju je završila u krevetu s njim. Kako se to desilo?

Često mu je donosila povrće kući, jer njena majka nije znala kako drugačije da mu se oduži. I jednom prilikom, kada mu je odnijela povrće, pokušao je da je poljubi i dodirne. Odmah je pobjegla kući, ali nije ništa rekla mami.

I sljedeći put kada je otišla kod njega pokušao je isto. Ali ovoga puta nije pobjegla.

“Toliko toga je uradio za nas, a mi nismo mogli da mu uzvratimo usluge, i stoga sam pristala da imam seks s njim.”

Foto: Wessel du Plooy / Shutterstock.com

Nakon toga su se seksualne usluge nastavile. I ne samo kod njega kući, nego i u njegovom kabinetu, školskoj labaratoriji… Bilo gdje, kada god bi on to tražio.

Kada je shvatila da joj menstruacija kasni, a odnose je imala samo s njim, poslala mu je poruku da misli da je trudna.

Dogovorio joj je abortus.

Najgori dio joj je bio sam proces, odnosno način na koji su ga izveli. Doktor je došao u salu sa kantom i cijevima, “kao da je u pitanju neki metod isisavanja”.

“Bilo je toliko bolno, da sam se onesvijestila. Nisam mogla da izdržim taj bol. Probudila sam se kada je sve bilo gotovo”, ispričala je.

Kada je, nakon svega, pokušala da mu objasni da je to što radi pogrešno, i da čak treba da molim Boga za oprost, on joj je odgovorio da nema Boga u Africi i da mu nije žao.

Pročitaj još

Od iste osobe