AktivizamFeminizamHrabra LolanajnovijeNaslovna vijest

#NijeDoTebe: Erna Saljević: Ne nanosi drugima ranu da bi imao društvo u krvarenju

Znamo li gdje je granica između online nasilja i konstruktivne kritike upućene od strane konzumenata sadržaja na internetu?

Redakcija

Jesmo li dovoljno dorasli situaciji da znamo procijeniti šta je zla namjera, a šta je samo “komentar” ili treba da se vodimo ličnim doživljajem stvari?

Erna Saljević, jedna od najpoznatijih Bh influenserki je upravo zbog broja ljudi koji je pate svakodnevno izložena i jednoj i drugoj vrsti komentara, a kako ističe upravo je to najbitnije – prepoznati i odvojiti online nasilje od konstruktivne kritike.

Reci nam nešto o sebi u 3 rečenice

S glavom u oblacima, slikama i bojama, oduvijek se trudim da umjetnošću i kreativnošću svijet oko sebe sebi i onima koji u njega zađu učinim vedrijim i neobičnijim, s puno strastvene energije koju prolijem po njima, ne tražeći ništa zauzvrat, osim da se međusobno inspirišemo.

U životnoj dobi kada najhrabrije mogu a la Sokrat reći da znam da ništa ne znam: ni o ljudima, ljubavi, sreći, ni o životu, iz razloga što sam najčešće prosuđivala iz svog iskustva, zanemarujući koliko smo svi različiti jedni od drugih: Fundamental attribution error – greška koju uporno ponavljamo, a u tome leži temelj našeg nerazumijevanja drugih.

U proteklim mjesecima vođena jednom mišlju: put do pakla popločan je dobrim namjerama – ono što je u mojim očima dobro za nekoga, ne mora značiti da zaista jeste dobro za njega – gdje dolazim do jedine želje koju želim sledeći put ispisati na ovakvo pitanje: Mijenjam sebe danas, kako bih sutra promijenila svijet.

Kako bi ti definisala rodno zasnovano nasilje online?

Svaka vrsta online uhođenja, uznemiravanja psihičkog/seksualnog, slanje prijetnji usmjerenih ka ženama samo zbog toga što su žene, širenje neistina ili objavljivanje neprimjerenih fotografija nekoga na društvenim mrežama, lažno predstavljanje i slanje neprikladnih poruka u tuđe ime. Ponašanje koje se ponavlja i koje ima za cilj da uplaši, naljuti ili osramoti osobu kojoj su upućene.

Da li smatraš da si bila meta rodno zasnovanog nasilja putem društvenih mreža?

U mom dugogodišnjem javnom životu nebrojeno puta, a često vjerujem i ne samo zato što sam žena, no što jedna određena skupina ljudi smatra da ako ste javna ličnost, jednostavno mogu sve i svašta da vam napišu, još češće ne razaznajući da je to što čine upravo online nasilje.

Koji te je komentar (ili više njih) posebno uznemirio?

Uglavnom kada se šire neistine koje mogu zbuniti mnoge koji će konzumirati iste, ili podstaći druge da nastave niz online nasilja. Međutim, ja sam pokušavala sebe naučiti jednom od  mehanizama odbrane od toga da me takvi komentari uznemire, a to je da uvijek gledam ko mi nešto kaže, a ne šta. Naučila sam razaznati šta je online nasilje a šta konstruktivna kritika, kada to znate – sve bude lakše, ali ne često tako jednostavno.

Misliš li da postoji način da se online nasilnicima stane na put?

Smatram da postoji i više ih je:

-da se radi na jačoj informisanosti svih nas o tome šta je digitalno nasilje, koji su oblici, koje institucije su odgovorne za reagovanje i procesuiranje ovakvih slučajeva, te kako zaustaviti online uznemiravanje

onda kada naučimo šta je, da ne budemo lijeni u tome da reagujemo – preko društvenih platformi prijavimo takve, najčešće javne komentare, te profile, a onda ih i blokirati. Ne samo na našim profilima ili kod poznanika, već gdje god na društvenim mrežama uvidimo takav patern nasilničkog ponašanja

Da još jednom provjerimo sa sobom znamo li šta je online nasilje a šta konstruktivna kritika, i potom provjerimo sami sa sobom da nismo nekad i mi sami bili žrtve, ili čak nasilnici a da se od toga “peremo”, snebivajući se nad tuđim istim činom. To je jako bitno.

Pitanje svih pitanja je: Da li si osjećala da imaš kome da se obratiš za pomoć u slučaju online nasilja?

O tome najviše razmišljam kada pomislim da u sličnim situacijama mogu da se nađu, i nalaze se, maloljetnici. Ali ne samo oni.

Moram priznati da sam nekako imala sreće da je svo to nasilje upućeno meni “lakšeg tipa” ako uopšte to mogu tako nazvati. Nikada nije iziskivalo angažovanje policije, kojoj bih se odmah obratila da mi je život u opasnosti. Međutim, možda je i gore od direktnih prijetnji koje neki dobijaju pa odmah znate kako reagovati, to sitno i takozovano “tiho” nasilje koje utiče na psihu, toga se itekako treba paziti. Mladim ljudima sugerišem da prvo razgovaraju sa roditeljima, bliskim prijateljima, kako bi podijelili šta im se dešava i da se zbog toga osjećaju loše.

Nažalost, policija, institucije, kao i čitava zakonska regulativa u BiH ali i mnogim zemljama regije nisu dovoljno adekvatne da pruže potpunu zaštitu, jer je online nasilje kod nas još uvijek relativno novi oblik nasilja. Zakoni ne mogu dovoljno brzo da prate pojavu i razvoj tehnoloških fenomena. U velikom smo zaostatku za svijetom u tome.

Znaš li da skoro 8% žena u godinama između 18-74 je iskusilo neku vrstu online nasilja već od svoje 15. godine?

Da, nažalost sam svjesna te činjenice, što kroz istraživanja u kojima sam sama učestvovala, što kroz razgovor sa mladim ljudima ali i ličnog iskustva. Kao što sam i navela u početku, ogroman problem predstavlja nedovoljna informisanost svih nas/ali i žrtava o tome šta je digitalno nasilje, koji su oblici, koje institucije bi trebale biti odgovorne za reagovanje i procesuiranje tih slučajeva, itd.

Za kraj, tvoja poruka onima koji internet koriste kao platformu za online nasilje i onima koji se susreću s online nasiljem ali ne znaju kako da se bore protiv njega?

Prvo za one nad kojima se vrši: nije do tebe, majke mi. Znaj da sve to loše najprije dolazi iz njihove povrijeđenosti, i da je to refleksija njih, a ne tebe. Svejedno, ne smiješ se loše osjećati, i učini sve što možeš da ih u tome spriječiš, a možeš dosta.

Za one koji ga upućuju: Ako su te nekad neki ljudi povrijedili, unizili, rekli da si ovakav/va, onakav/va, to su bili oni, a ne ti. Ne nanosi drugima ranu da bi imao društvo u krvarenju. Ne bude lakše, zar ne? Isto kao što ne bi nekoga iz čista mira ošamario/la na ulici, nemoj ni nekoga u online svijetu. Nije ni do tebe, ali postoje drugi načini.

 

Pogledajte ovu objavu na Instagramu.

 

Objavu dijeli Lola magazin (@lolamagazin_)

Pročitaj još

Od iste osobe

Najnovije