Koliko ste namirnica odbacile tokom dojenja? Šta su vam savjetovali?

Lole su odgovore ponovo potražile u knjizi “Njega djeteta – od rođenja do druge godine” pedijatra Vilijama i njegove supruge, medicinske sestre Marte Sirs.

“Majka može uživati u raznovrsnom izboru namirnica, a kroz njeno mlijeko to može i dijete. Ipak, neka djeca osjetljiva su na pojedine namirnice u majčinoj prehrani. Nadražujuća hrana preko mlijeka može da dođe do djeteta i uznemiri ga dva sata nakon što je jelo. Znak za osjetljivost na hranu su kolike koje se javljaju unutar 24 časa nakon što je dojilja pojela sumnjivu hranu”, navode Sirsovi.

Ipak pripazite na ovo:

Mliječni proizvodi: Moguće alergenske bjelančevine iz mliječnih proizvoda mogu ući u majčino mlijeko i kod djeteta izazvati simptome kolika.

Namirnice koje sadrže kofein: Gazirana pića, kafa, čaj ili čokolada sadrže kofein. Neke bebe su veoma osjetljive na ovaj sastojak. Ipak, majka bi morala sve ovo da konzumira u većim količinama da bi to smetalo bebi.

Žitarice i orašasti plodovi: Najveći alergeni su u pšenici, kukuruzu i kikirikiju.

“Majka može uživati u raznovrsnom izboru namirnica, a kroz njeno mlijeko to može i dijete. Ipak, neka djeca osjetljiva su na pojedine namirnice u majčinoj prehrani. Nadražujuća hrana preko mlijeka može da dođe do djeteta i uznemiri ga dva sata nakon što je jelo. Znak za osjetljivost na hranu su kolike koje se javljaju unutar 24 časa nakon što je dojilja pojela sumnjivu hranu”, navode Sirsovi.

Začinjena hrana: Nakon ljute hrane ili one začinjene bijelim lukom vaše mlijeko može da poprimi intenzivan okus. Tada beba protestvuje crijevnim tegobama, odbijanjem hrane ili može dobiti kolike.

Hrana koja nadima: Sirova brokula, luk, prokulice, zelena paprika, karfiol i kupus mogu smetati bebi, ali ako sve ovo jedete kuhano, manji su izgledi za probleme. U principu, od namirnica koje nadimaju i djeca će biti “napuhana”.

Kako biste sve ovo spriječile, obratite pažnju:

Napravite spisak nadražujućih namirnica: Pratite kako se beba ponaša nakon što nešto pojedete. U opis nadražujuće namirnice dodajte i kako se beba ponašala (plač, nemir, kolike, nadimanje, ozbiljan zatvor i dijareja, jaka nadutost, puštanje plinova, neobjašnjiva noćna buđenje i crveni prsten oko djetetovog anusa).

Izbacite sumnjive namirnice: U razdoblju od 10 do 14 dana sumnjive namirnice izbacite jednu po jednu, počevši s kravljim mlijekom. Izbacite ih i sve odjednom, ako je potrebno. POsmatrajte bebu da vidite da li se smanjuju ili nestaju simptomi.

Ispitajte rezultat: Ako neki ili svi simptomi nestanu, provjerite rezultat ponovnim uvođenjem sumnjive namirnice. Ako se u roku od 24 sata jave isti simptomi, ponovo izbacite namirnicu.

Pratite kako se beba ponaša nakon što nešto pojedete. U opis nadražujuće namirnice dodajte i kako se beba ponašala (plač, nemir, kolike, nadimanje, ozbiljan zatvor i dijareja, jaka nadutost, puštanje plinova, neobjašnjiva noćna buđenje i crveni prsten oko djetetovog anusa).

Nemojte pretjerivati u konzumiranju nijedne namirnice. Jer, neke bebe su veoma osjetljive i na najmanje tragove određene hrane, a nekoj će čak ista namirnica smetati isključivo ako je majka konzumira u velikoj količini. Primjer za to su proizvodi od žitarica i agruma: previše može da smeta bebi, ali će manje količine sasvim dobro podnositi.